رد حلمي بكر، عضو اللجنة التحضيرية للدورة 31 من مهرجان ومؤتمر الموسيقى العربية، على الاخبار المنتشرة حول منعه الشاب أحمد سالم الذي اشتهر بغنائه على السوشيال ميديا باسم “النقاش” من الغناء مع أصالة في حفلها الأخير على أحد مسارح الأوبرا بمهرجان الموسيقى العربية.
وقال حلمي بكر، في اتصال مع ET بالعربي: “أنا لا منعت ولا حاجة، تقاليد الأوبرا مش أي حد يعمل أي حاجة ويضيف مطرب وأنت ما سمعتوش بحفل قبل كده، على أي أساس اجيب شخص لا يمارس المهنة بمهرجان .. يا جماعة أنتوا بتدافعوا على الغلط ولا أيه”.
وأضاف حلمي بكر في رده: “افرض حصل أي خطأ على المسرح يبقى إيه، مين المسؤول؟ إيه الفوضى اللي إحنا فيها دي، الأوبرا مش حتقبل”، مشيراً إلى أن المهرجان ليس حفلاً تجارياً، وأضاف: “انت هنا مسؤول إيه الكلام الفاضي، كل واحد يحط لسانه بتمه ويسكت بقى كفاية، ما خربت، دي أكاديمية مش حفلة عاملها واحد متعهد”.